Genesis, огранокот за луксузни автомобили на Hyundai, на New York Motor Show го претставија нивниот нов SUV концепт наречен GV80 со plug-in погон на горивни ќелии.
Додека GV80 ја прикажува иднината на дизајнот на компанијата (и ќе биде прв SUV модел произведен под брендот Genesis), исто така се најавува и како ривал на BMW X5
Предната решетка на GV80 е типична за Genesis, додека благо заоблениот дизајн се разликува од повеќето други нови SUV концепти, на кои доминираат аглести форми.
Хоризонталниот дизајн во два реда на предните фарови се повторува и кај задните, а рачките на вратите се вовлекуваат во каросеријата за да на GV80 му дадат „мазен“ профил. Впечатливи се 23 инчните бандажи со краци изработени од алуминиумска „мрежа“, а внатре, пак, кокпитот се одликува со огромен 22 инчен екран.
Genesis GV80 има plug-in погон на водородни горивни ќелии, а сè уште не се објавени никакви детали во врска со дометот или перформансите.