SUV линијата на Audi модели ќе продолжи да расте во форма на новиот Q8, кој беше претставен како концепт на Detroit Motor Show, а кога ќе се појави во 2018, ќе биде ривал на BMW X6, Mercedes GLE Coupe, и Range Rover
Концептот е сличен на сегашниот Q7 – новиот Q8 ќе биде долг над 5 метри, со меѓуоскино растојание од 3 метри, но за 40mm понизок од Q7 и багажник од 630 литри.
Прикажан како plug-in хибриден e-tron модел, Q8 концептот има 3.0 литарски TFSI мотор спарен со електричен мотор со 17.9kWh литиум-конска батерија. Комбинираната моќност на ова возило е 445 коњски сили и 700Nm вртежен момент, погонот е quattro, со 8 брзински автоматски менувал.
Од Audi велат дека Q8 забрзува од 0-100км/ч за 5.4 секунди, со максимална брзина од 250км/ч и CO2 емисии од 53g/km.
Само на електрична енергија, Q8 може да помине до 60km, а на батеријата и се потребни два и пол часа за потполно да се наполни.
Ќе постои и варијацијата SQ8, кој најверојатно ќе го користи истиот 4.0 литарски bi-turbo V8 дизел мотор како оној од SQ7, од 435 коњски сили.
Во поглед на изгледот, напред се забележува поширока верзија на октагоналната решетка на Audi, нови матрикс предни LED фарови, како и задни LED фарови кои се протегаат од едниот до другиот крај на возилото, за што од Audi велат дека ќе биде заштитен знак на сите идни e-tron модели. Возилото ќе има 23 инчни алуминиумски бандажи и јаглеродно-керамички кочници.