Годинава беше лансирана новата, 7-ма верзија на VW Golf , која компанијата внатрешно ја ословува како Golf Mk7.5. Подновениот Golf има минорни стилски подобрувања во изгледот и опремата, како и нови мотори – од кои најнова вест е 1.5 литарскиот TSI бензинец.
Од Volkswagen сега ги имаат објавено деталите околу ефикасноста и економичноста на Bluemotion варијантата на новиот Golf, кој го користи овој мотор чија моќност е намалена на 130 коњски сили.
Главната вест е воведувањето на новата способност за гаснење на моторот при друмска каботажа, што значи дека тој самиот ќе се исклучува по потреба при возење со брзини до 130км/ч. Моторот ќе доаѓа во комбинација со DSG менувач како стандард, а VW имаат додадено и компактна литиум-јонска батерија која нема да служи за погон, туку за да овозможува електрицитет за системите и опремата на автомобилот додека моторот е исклучен.
Електрицитетот ќе биде регулиран преку новата „Q-диода“, која го менаџира неговиот проток помеѓу литиум-јонската батерија и стандардниот оловоно-киселински акумулатор.
Во поглед на потрошувачката, од VW велат дека новиot Golf Bluemotion може да постигне 26km/l со CO2 емисии од 104g/km. VW Golf Bluemotion 1.5 TSI ќе се појави на пазарот ова лето.