Agile Automotive – малечка компанија од Данска – цели кон освојување на дел од пазарот за спортски автомобили со најавените два нови модели за обични патишта и тркачки патеки.
Моделот SC122 кој може да се нарача во верзија која е легална да се вози на патишта како и онаква наменета за тркачки патеки, има 3.5 литарски V6 мотор од 425 коњски сили, а изборот на менувачи е помеѓу 5-брзински мануелен или 7-брзински секвенцијален.
Шасијата е изработена од јаглеродни влакна и е дело на F1 ветераните House of Composites, a тежи само 850кг.
Вториот модел е помалку моќниот SCX кој исто така ќе доаѓа во варијанта за патишта или тркачки патеки ќе има Euro6-одобрен 2.0 литарски Toyota мотор од 180 или 277 коњски сили, а ќе тежи само 600кг благодарејќи на „недостатокот“ на компоненти како целосни врати и шофершајбна.
SCX ќе чини околу 67 200 евра, додека SC112 ќе биде околу 107 500 евра.