Светот на малите премиум SUV модели ќе биде надополнет со нова верзија на Range Rover Evoque кој на пазарот треба да се појави подоцна во идната година. Ривалот на BMW X1 ќе биде поголем од сегашниот модел, попрактичен, како и подобар за возење.
Првиот Evoque модел чиј што дизајн на ентериерот бил потпомогнат од Викторија Бекам, се има појавено на пазарот уште во 2011, така што воопшто не е изненадувачки дека сега шпионските камери го забележале прототипот на новата верзија. Иако тест моделот од фотографиите користи делови од каросеријата од сегашниот модел, се забележува подновен дизајн на предницата, како и зголемена височина и широчина на возилото.
Според фотографиите, се очекува просторот за патниците да биде сличен на оној кој го имаат BWM X1 и ривалите, додека зголемената стабилност при управувањето би требало да е резултат на новите димензии.
Регистрацијата на прототипот открива дека тој има 2.0 литарски 4-цилиндричен дизел мотор, за кој сè уште не се знае дали ќе биде подобрена верзија од сегашниот модел, или некоја сосема нова варијација.
Се очекува при лансирањето на новиот Evoque да бидат понудени два дизел и бензиниски мотори, а повеќе детали ќе бидат објавени како што ќе пристигнуваат нови информации од производителот.