Nissan дефинитивно се разбира од кросовер возила – Qashqai се смета за автомобилот кој го започна тој тренд, и е на четврто место на најпродаваните автомобили во Британија.
Флотата на Nissan деновиве се зголемува со два нови кросовери – помалечкиот Juke и поголемиот X-Trail.
Сега, Nissan го нудат моделот X-Trail со нова дополнителна опција која би требало да „инјектира“ екстра возбуда во авантурите при возењето – а тоа е преносен дрон со камера.
Иако дронот е со брендинг на Nissan, се работи за моделот Parrot Bebop 2 – лесно летало кое тежи само 500гр., а доаѓа во комплет со далечински управувач и слушалки, но може и да функционира автономно и да го следи GPS сигналот на вашиот смартфон преку апликација. Може да лета во времетраење од нешто над 25 минути, и да ги снима пејзажите со камера од 14 мегапиксели.
Како стандардна опрема дронот ќе доаѓа на специјалното издание на X-Trail наречено X-Trail X-Scape кое ќе биде произведено во само 1200 примероци, од кои 200 ќе завршат во Британија. Овие возила ќе имаат и сателитска навигација, и панорамски сончев кров со шини.
Кај другите X-Trail варијации дронот ќе чини дополнителни 600 евра.