Купување на луксузен автомобил во Сингапур е лесно како што е купување на лименка пијалак или чоколаден бар, бидејќи овој град сега е дом на најголемата вендинг машина за автомобили во светот, благодарејќи на продавачот на половни автомобили Autobahn Motors.
Иако компанијата започнала со продавање на автомобили во класични салони, кога дошло време да се прошират увиделе дека тоа и не е баш лесно изводливо со оглед на ограничениот простор за тоа кој го нуди Сингапур.
Решението дошло во вид на зграда од 15 ката во која може да се сместат 60 луксузни автомобили, модерни спортски модели, како и класики како Ferrari, Bentley и Porsche. Купувачите можат на „лице место“ да купат било кој од автомобилите преку апликација и ќе им биде испорачан за најмногу 2 минути.
Не само што вендинг машина за автомобили е исклучително футуристички концепт, туку се справува и со еден од најголемите проблеми со градовите кои постојано растат, а тоа е лимитираниот простор. Сега засега таа е единствена ваква градба во светот, покрај многуте решенија за справување со лимитиран простор од типот на вертикални фарми, шуми и сл.