Jaguar претстави нови тизери за XE Sportbrake, кој ќе биде ривал на Mercedes E-Class караван моделот и BMW 5 Series Touring.
Новиот XF Sportbrake ќе се појави во салоните подоцна годинава и според зборовите на главниот дизајнер Иан Калум, ќе донесе нови нивоа на практичност без да го жртвува динамичниот дизајн и управување кои муштериите ги очекуваат. Според една слика на која што возилото е прикажано од птичја перспектива, може да се заклучи дека моделов ќе биде понуден и во верзија со панорамски кров.
Во споредба со saloon моделот, багажниот простор ќе биде зголемен на околу 600 литри, или 1700 со спуштени задни седишта. Од тој модел ќе бидат превземени моторите, и тоа 2.0 литарските дизел од 163 и 180 коњски сили кај варијациите со Prestige, R-Sport и Portfolio спецификации, S варијацијата ќе има 300 коњски сили, додека V6 бензинскиот мотор од 380 коњски сили ќе биде вграден во екстремниот SVR модел кој ќе биде ривал на караван верзиите на Mercedes-AMG и Аudi RS.
Во поглед на дизајнот, XF Sportbrake ќе има слична предница со сегашниот модел, со малку подигната предна решетка. Задниот дел исто така нема да се разликува премногу и ќе има форма слична на онаа од купе моделите, а не на традиционалните караван модели.