Nissan ја започна кампањата со тизери за наредната генерација на нивниот модел Leaf, пред тој официјално да биде претставен на овогодинешниот Tokyo Motor Show. Електричниот фамилијарен хечбек ќе го следи правецот на дизајн од новата Micra, и ќе добие повеќе варијации отколку сегашниот модел.
Иако генералниот дизајн е многу сличен на сегашниот, како што може да се забележи на шпионските фотографии и покрај тоа што е маскиран, видливо е дека новиот Leaf ќе биде инспириран од 2015 IDS концептот и ќе има елементи од новата Micra, како што се новите хоризонтални LED задни фарови.
Широ Накамура, кој е постар заменик претседател и главен креативен директор на Nissan, вели дека пред крај на оваа декада ќе има комплетна замена на Leaf моделот, а неговиот домет ќе биде покачен и дека 250km со едно полнење на батеријата не е максимумот што ќе го нуди. Тие сакаат овој модел да биде крупен играч на пазарот на електрични возила, и поради тоа постојано ќе добива надградби во дизајнот и батериите.
Во поглед на дизајнот, Leaf ќе има поконвенционален изглед за да биде што повеќе мејнстрим и да се совпадне со вкусовите на мнозинството, со цел да се продава во што поголем број.
Nissan во план имаат уште неколку возила со кои ќе се зголеми бројот на електрични фамилијарни модели кои ќе ги нудат, а меѓу нив е и електричен супермини Leaf модел кој ќе биде ривал на Renault Zoe.