Audi ја надополни својата серија од Black Edition т.е моделите во црно издание со најновиот A4 Black Edition. Тој доаѓа со неколку стилски подобрувања, како и подобрување на опремата која следи со него во целата A4 серија.
Audi A4 Black Edition ќе може да се нарача во saloon (лимузина) и Avant (караван) верзија, а доаѓа со 19-инчни алуминиумски бандажи со финиш од матиран титаниум, како и опција за 18-инчни црни бандажи за која не се доплаќа.
Во црно се и ретровизорите на вратите, предната решетка, отворите за воздух и рамките на прозорците, додека кабриолет верзијата има и црни шини на кровот. Во овие визуелни дополнувања се вклучени и црниот заден спојлер, како и затемнетите странични прозори кои го редуцираат звукот и кои доаѓаат како дел од стандардната опрема.
Црното издание е на располагање со секоја варијанта на моторите во серијата A4, тука вклучувајќи го и моделот S4. Сите овие модели како стандардна опрема ќе го имаат најновиот безбедносен систем на Audi кој ја користи вградената 4G конекција која дозволува итни повици, и преку кој што може да се активира асистенција на патот и да се побараат разни сервиси преку панелот на кровот. Исто ќе бидат вградени системи за контрола на крстарење и задни сензори за помош при паркирање.
Спортскиот модел ќе добие подобрен волан, кожни седишта кои ќе можат да се загреваат, и поголем 7-инчен дисплеј на кој ќе бидат прикажувани важни информации за возачот. S-Line Моделите наместо кожа ќе имаат мешавина од кожа и Алкантара, како и греење на седиштата.
Цените на Audi A4 Black Edition моделите ќе започнуваат од 37 200 евра.