Rolls-Royce ја претставија својата најнова креација направена по нарачка на еден исклучително специјален клиент – Sweptail моделот инспириран од моделите на оваа компанија од 1920-тите.
Sweptail проектот на Rolls-Royce дебитирал во 2013-та на Concorso d’Eleganza фестивалот кој се одржува во Villa d’Este, Италија, кога клиентот од компанијата го нарачал радикалниот нов двосед.
Базиран на Rolls-Royce Phantom купето, Sweptail е целосно рачно изработен и биле потребни 2 години за да се комплетира. Иако ја дели истата платформа со Phantom, секој панел од каросеријата е уникатен.
Предницата е комбинација меѓу моделот Phantom и решетка која припаѓа на „модерната ера“ на Rolls-Royce а е изработена од чист алуминиум пред да е рачно полирана.
Гледан од профил, автомобилот се разликува од било кој Rolls-Royce модел моментално на пазарот, додека силуетата оддава почит на светот на тркачките јахти – уште едно клучно дизајнерско влијание кај Sweptail.
Rolls-Royce Sweptail го користи истиот 6.7 литарски V12 мотор од 460 коњски сили кој е вграден во Phantom-от, додека локацијата на купувачот и цената на проектот не се јавно објавени.