Renault објавија нови слики и детали во врска со нивниот нов Megane RS, кој целосно ќе биде претставен на Frankfurt Motor Show во септември.
Новиот Megane RS ќе доаѓа со 2 варијанти на менувач – 6-брзински мануелен, и автоматски EDC како оној од моделот Clio RS.
На објавените официјални шпионски слики може да се забележи новата агресивна предница со дневни светла во форма на „коцкесто знаме“ позиционирани во долниот дел на браникот.
Како замена за постоечкиот 2.0 литарски турбо мотор кој го има сегашниот модел, можно е Renaultsport да го употребат новиот 1.8 литарски 4-цилиндричен турбо мотор од Alpine A110.
Таму тој е со моќност од 252 коњски сили и 320Nm вртежен момент, но кај Megane RS се очекува тој да има околу 305 коњски сили, според шефот на Renaultsport , Патрис Рати.
Погонот и кај новиот Megane RS ќе остане на предните тркала, а за да му се подобри агилноста на патот, би требало да има вградено систем за управување и на задните тркала. Слична комбинација веќе постои кај Megane GT, дизајнирана да ја зголеми мобилноста при помали брзини, и стабилноста при поголеми.