Lockheed Martin објавија информации во врска со наследникот на SR-71 Blackbird извидничкото летало, кое ќе го носи името SR-72 и ќе биде користено за извидување и напади. SR-72 ќе ја надминува брзината од 6 маха, а моментално е во фаза на развивање во одделот за напредни летала на Lockheed.
Според компанијата, хиперсоничната технологија која вклучува и погонски систем кој е комбинација од ракетен и суперсоничен мотор е доволно напредната за да овој проект се започне.
Хиперсоничен наследник на SR-71 е цел на DARPA и воздухопловните сили на САД (USAF) уште од раните 2000-ти, а дизајнот на SR-72 е започнат во 2013-та. Од тогаш навака има објавено многу малку детали за проектот, а она што е познато е дека во 2006-та, Lockheed во партнерство со Aerojet Rocketdyne почна да го развива моторот со комбиниран циклус, чии тестови на земја се правени помеѓу 2013 и 2017.
Инаку, хиперсоничните авиони може да летаат со брзини до 4800км/ч, што ги прави идеална опција за долги патувања и за употреба во итни ситуации (при катастрофи и сл.).
Lockheed SR-72 најверојатно ќе полета до 2030-та.