Третата генерација на Volkswagen Touareg ќе има понапредна технологија, дизајн и конективност, со цел брендот да биде подостоен ривал на одредени модели на Audi и BMW.
Променет е дизајнот на екстериерот – минимално маскираните прототипи фатени на шпионски фотографии покажуваат дека Touareg-от ќе има многу стилски детали превземени од T-Prime GTE концептот претставен минатата година на Beijing Motor Show. Големата хромирана решетка која продолжува и кон LED фаровите, големите отвори за воздух и по аголниот дизајн на каросеријата дефинитивно личат на дизајнот на T-Prime.
Покрај новиот изглед, новиот модел ќе биде и значително поголем отколку сегашниот – ќе биде базиран на MLB архитектурата на VW Group која се наоѓа под Audi QR и Bentley Bentayga. Неговите пропорции ќе бидат блиски на оние на T-Prime концептот, новата платформа исто така ќе донесе избор од нови 6 и 8-цилиндрични мотори.
Веројатни се две верзии на новиот 3.0 литарски V6 мотор со моќност од околу 218 и 273 коњски сили, а понуден ќе биде и поголем V8 дизел.
Нова опција ќе биде plug-in hybrid GTE моделот со 2.0 литарски 4-цилиндричен TFSI турбо мотор во комбинација со малечок електричен мотор, и домет од околу 50km само со електричниот.
Кабината најверојатно ќе биде превземена од T-Prime концептот, и во неа ќе има 15 инчен дисплеј заедно со комплетно дигитална инструмент табла. На располагање ќе биде и 4G Internet hotspot.
Новиот Touareg ќе дебитира на Frankfurt Motor Show во септември, а луксузните модели би чинеле и до 80 000 евра.