Volkswagen, која е матичната компанија на Audi, излезе со соопштение за медиумите во кое објаснува дека го зголемуваат продукцискиот капацитет за електричните возила. Компанијата ја прифаќа зголемената посветеност кон создавање на електрични мотори со филозофијата дека тие мора да ги заменат класичните мотори, а батериите да ги заменат резервоарите за гориво.
Аudi се спрема за лансирањето на нивниот e-tron quattro, електричен SUV модел кој треба да се појави на пазарот во 2018 и кој ќе има 500 километри опсег на движење со едно полнење на батеријата. Компанијата лансира таканаречена „Е-Фабрика“ во нејзината фабрика во Брисел со цел да ја олесни транзицијата од традиционалните кон електричните мотори.
Во новата фабрика, логистиката ќе се одвива во предниот дел, додека задниот ќе биде дом на продукциската линија возила со новите батериски системи од 95 kWh.
Со најавата на новиот SUV модел и нагласувањето на супериорниот опсег на движење на возилото, Audi директно му се спротистави на Tesla Model X чиј ќе биде директен ривал.
Информациите околу цените сè уште не се објавени.