Новиот Peugeot 508 Saloon модел за 2018-та е фотографиран за време на едно негово тестирање, и ја открива намерата на компанијата да работи на повеќе стилски фокусирана нова генерација на овој модел со цел да биде достојна конкуренција на BMW 3 Series и на новиот Volkswagen Arteon.
Се очекува на дизајнот на новата 508-ца да влијае концептот Instinct, претставен на скорешниот Mobile World Congress, што би значело дека тој ќе има линија на кровот слична на купе моделите која му дава приоритет на стилот, а не на просторот во задниот дел.
Според Жил Видал, шефот за дизајн на Peugeot, се размислува употребата на карактеристичните вертикални дневни LED светла од Instinct концептот во продукциските модели во блиската иднина.
Наредната генерација на Peugeot 508 ќе биде изградена на новата EMP2 архитектура на групата PSA (Peugeot Citroën) која подржува и plug-in хибридна технологија, потенцијално овозможувајќи и на компанијата да нуди електрифицирана верзија на овој модел како одговор на намалените продажби на дизел моделите во западна Европа. Автомобилот исто така ќе користи подновена верзија на i-Cockpit на Peugeot кој веќе го има во последните верзии на SUV моделите 3008 и 5008
Сегашната 508-ца е на пазарот околу 6 години, така да се очекува новата да биде официјално покажана подоцна годинава, со продажби кои би започнале во првата половина на 2018.