Bentley ќе го преземе првиот чекор кон електрификација на нивните модели во 2018-та со plug-in хибридна верзија на нивниот Bentayga, од кој се појавија шпионски фотографии.
Хибридниот Bentayga ќе биде трета опција покрај 6.0 литарскиот W12 бензинец со 609 коњски сили и новиот V8 дизел и ќе биде зачетник на електрификациската стратегија на Bentley. Eвентуално, истиот погон ќе биде искористен и кај Mulsanne, Flying Spur, и наредната генерација на Continental GT моделите на компанијата.
Додека однадвор моделот на шпионските фотографии изгледа како и секоја друга Bentayga, еден малечок дизајнерски детаљ го обележува како хибридна варијанта – додатното капаче за гориво на задното лево крило, зад кое најверојатно се крие приклучокот за напојување.
Тоа го потврдува и регистарската табличка чиј број бил проверен во англиската агенција за лиценцирање на возила и возачи, и било потврдено дека возилото е регистрирано како хибридно електрично со мотор од 2955cc.
Тоа значи дека хибридната Bentayga најверојатно ќе го користи истиот 6-цилиндричен мотор од Porsche Cayenne S E-Hybrid.