Kia претставија ново специјално издание на моделот Rio Pulse, со спортски изглед.
Од регуларните верзии новиот Rio Pulse се разликува по забележливите црвени акценти на екстериерот – кровот, отворите за воздух на предниот браник, ретровизорите и страничните тримови се црвени, а автомобилот доаѓа во две бои – бела и црна.
Во стандардната опрема спаѓаат 17-инчните алуминиумски бандажи, додека задниот прозор како и патничките прозорци се затемнети.
Акцентите со црвена боја продолжуваат и во внатрешноста, каде за тапацир ќе бидат користени комбинации од црна и црвена вештачка кожа, со металик црвена боја за контролната табла.
Во поглед на вградената опрема и технологија, ќе следуваат 5-инчен touchscreen infotainment систем, DAB радио, аудио систем од 6 звучници, Bluetooth конективност и USB приклучоци, задна камера поврзана со екранот, како и 3.5 инчен дисплеј во инструмент таблата.
Специјалното издание на Kia Rio Pulse ќе има 1.25 литарски 4-цилиндричен мотор од 84 коњски сили и 121Nm вртежен момент со 5-брзински мануелен менувач кој од 0-100км/ч ќе забрзува за 12.5 секунди, и ќе има максимална брзина од 172км/ч. Според Kia, потрошувачката ќе изнесува 25km/l, а CO2 емисиите 109g/km.
Цената ќе му биде околу 16 500 евра.