Hyndai ја надополнија серијата i30 со трет модел – i30 Fastback, кој во салоните треба да се појави на почетокот на 2018-та.
Fastback се разликува од регуларните i30 хечбек и караван модели со каросеријата во купе стил и 5 врати, додека стилски е скоро идентичен со нив.
Напред, препознатливата предна решетка од i30 моделите е малку скратена и поставена пониско, со што ја прави предницата визуелно поширока. Хаубата е подолга, а дневните светла и фарови се LED и се поставени во нијансирани куќишта.
Кровот е за 25mm понизок отколку кај стандардниот i30 хечбек, а задниот дел е карактеристичен по малечкиот спојлер кој ги раздвојува фаровите.
Кабината е идентична копија на останатите две i30 варијанти, и вклучува опцинален 8-инчен touchscreen infotainment систем со сателитска навигација и Apple CarPlay и AndroidAuto конективност, додека Bluetooth конективноста спаѓа во стандардната опрема.
Стандардните технологии за безбедност и асистирање кои ќе бидат вградени во i30 Fastback ќе вклучуваат автономно сопирање во итни случаи, систем за алармирање на вниманието на возачот, асистент за долги светла и менување на ленти, додека опционални ќе бидат радарската контрола на крстарење, детекција на мртвите точки и систем за предупредување за сообраќај зад возилото.
Амортизацијата во однос на стандардните модели е за 15% поцврста, а возилото е за 5мм поблиску до тлото во споредба со нив.
Со лансирањето на располагање ќе бидат 2 турбо бензински мотори – 1.4 литарски 4-цилиндричен T-GDI од 140 коњски сили, и 1.0 литарски 3-цилиндричен од 120 коњски сили. И двата ќе доаѓаат со 6-брзински мануелен менувач како стандардна опрема, а 1.4 литарската варијанта ќе има опција за 7-брзински автоматски менувач.
Подоцна ќе се појават и неколку дизел опции – 1.6 литарски 4-цилиндричен турбодизел од 110 или 130 коњски сили, а возможна е и N варијанта на Fastback која ќе го „позајми“ моторот од 275 коњски сили од новиот i30 N.