Porsche се подготвува за офанзива на SUV пазарот со новиот Cayenne модел кој треба да се појави на крајот на годинава, додека шпионски фотографии откриле постоење и на негова купе верзија.
Овие сосема нови шпионски фотографии откриваат дека ќе следи подновување и на помалечкиот SUV модел Macan, кој веќе има потреба од тоа бидејќи е стар 3 години.
Macan е клучен дел од понудата на Porsche уште од неговото лансирање во 2014, од кога е станат најпродаван модел на брендот – од скоро 240 000 возила кои компанијата глобално ги испорачала во 2016-та, над 95 000 биле Macan.
Исто така е важно за Porsche да го одржува Macan „свеж“, бидејќи негови понови ривали се Jaguar F-Pace и Alfra Romeo Stelvio.
Тест моделот забележан на фотографиите бил многу малку замаскиран, што значи дека фејслифтот на Macan ќе биде суптилен. На предниот дел, маскирањето сугерира нов дизајн на фарови и поширока предна решетка, кои најверојатно ќе бидат слични на оние на новиот Cayenne судејќи според неговите шпионски фотографии.
Променет ќе биде дизајнот и на задниот дел на возилото кој најверојатно ќе вклучува и единечна LED лента која ќе се протега од едниот до другиот крај слична на онаа од најновата верзија на Panamera, која ќе биде вметната во сите нови варијанти на моделите од портфолиото на Porsche и ќе претставува нов заштитен знак кај задните фарови.
Бидејќи новиот Cayenne најверојатно ќе биде официјално претставен пред истекот на оваа година, подновениот Macan се очекува во 2018-та.