Следната генерација на Mercedes-AMG A 45 е забележана на фотографии како се тестира со поголемите дизајнерски разлики во споредба со сегашниот модел значително маскирани.
Под маската се препознатливи новите предни фарови, а за подобрените перформанси показател е понискиот и поширок изглед на тест возилото.
Mercedes се спремаат да ги надминат ривалите со тоа што моќноста на AMG верзијата на следната генерација на A-Class ќе има над 405 коњски сили.
Постоечкиот AMG A 45 го држи статусот на најмоќниот хечбек модел во светот, откога се има појавено на пазарот во 2013. Неговиот 2.0 литарски 4-цилиндричен турбо мотор имал 360 коњски сили за време на лансирањето, а до сега е засилен до 380.
Новиот, уште помоќен модел, ќе се појави на пазарот по лансирањето на стандардната верзија на новите А-Class модели во втората половина на 2017-та.
Шефот на AMG, Тобиас Морс, изјавил дека ќе биде направена и по скромна варијанта на AMG верзијата во споредба со најекстремната верзија на „обичните“ A-Class модели, која ќе биде ривал на Audi S3 и 1 Series на BMW, поточно моделот M140i од 340 коњски сили.
Кога ќе се појави на пазарот, новиот Mercedes-AMG A 45 како најголема конкуренција ќе ги има Audi RS3 Saloon (400 коњски сили), Ford Focus RS (350 коњски сили) и Honda Civic Type R (345 коњски сили).