Новиот BMW M5 беше официјално претставен пред неговото деби на Frankfurt Motor Show, кое ќе се одржи идниот месец. BMW M5 ќе се одликува со ревидиран V8 мотор и погон на сите тркала.
Во срцето на BMW M5 е 4.4 литарскиот V8 би-турбо мотор, истиот од моделите од сегашната (5-та) генерација, со тоа што е подобрен за да биде достоен ривал на последната AMG E-Class.
Додаден е пар нови турбо полначи, како и нови системи за ладење и подмачкување. Моќноста му е зголемена на 600 коњски сили, што е за 40 повеќе отколку сегашниот модел, а вртежниот момент изнесува 750Nm (за 70Nm повеќе).
Во поглед на перформансите, од BMW велат дека новиот M5 забрзува од 0-100км/ч за 3.4 секунди, додека најголемата брзина е електронски лимитирана на 250км/ч.
Моќта се испраќа до тркалата преку 8-брзински автоматски менувач, а погонот на сите тркала е специфично развиен за овој модел. Познат како M xDrive, системот претежно ја движи задната оска, а предната ја активира по потреба. Затоа, во поголем број на случаи, новиот M5 ќе се однесува како автомобил со погон на задните тркала.
За да се намали тежината на возилото, некои од панелите се направени од алуминиум, додека кровот е од пластика зајакната со јаглеродни влакна. Во кабината има нови спортски седишта, ексклузивен трим и M дигитални брзинометри, како M-Sport волан преку кој може да се нагодат подесувањата на автомобилот.
Почетната цена на новиот BMW M5 ќе биде околу 98 100 евра, а на пазарот ќе се појави во февруари 2018-та.