Кia ја претставија подновената верзија на нивниот SUV модел Sorento, кој ќе дебитира следната недела на Frankfurt Motor Show.
Суптилниот „фејслифт“ се состои од променета форма на предниот и задниот браник, како и нови LED предни и задни фарови, затемнета верзија на предната решетка, како и нов дизајн на алуминиумските бандажи.
Претставени се и спецификациите на GT Line варијантата, која ќе биде најмоќна Sorento варијанта. Измените се чисто козметички во видот на ЛЕД светла за магла со 4 светилки, сопирачки во црвена боја, како и GT Line беџови.
Кај сите модели ќе има промени во ентериерот како нов волан, подобрена инструмент табла и ревидиран навигациски систем со дисплеј од 8 инчи. Подобрената технологија ќе вклучува Apple CarPlay и Android Auto, како и систем за предупредување на возачот доколку заспие зад воланот.
Како и претходно, понуден ќе биде само еден мотор и тоа 2.2 литарски дизел од 200 коњски сили, кој овој пат ќе доаѓа и со нов 8-брзински автоматски менувач – прв кај некој Kia модел.
Тој ќе го замени стариот 6-брзински и ќе помогне при намалување на CO2 емисиите од 172g/km на 159g/km. Како опција ќе остане 6-брзинскиот мануелен менувач.
