Skoda спрема сосема нова верзија на нивниот Rapid Spaceback модел, која ќе ја лансираат на пазарот во 2019-та.
Одлуката да се работи на нов Rapid значи дека Skoda ќе треба сами да го развијат моделот, бидејќи од SEAT нема да работат на ново Toldeo, а Rapid е всушност негова повеќе популарна верзија.
Дизајнерски, ќе бидат позајмени елементи од сегашниот модел, но возилото ќе има позаоблен изглед. Предницата ќе има дизајн значително различен од останатите модели на Skoda, додека на задниот дел ќе остане стаклениот хечбек елемент, но со линија на кровот слична на онаа која ја имаат купе моделите. Ќе биде развиена и saloon верзија, како и помал кросовер модел изграден врз истата MQB A0 платформа на VW Group.
Новиот Rapid Spaceback ќе биде подолг и попростран во однос на сегашниот, а во поглед на просторот внатре ќе се наоѓа некаде помеѓу моделите Fabia и Octavia.
Внатре, ќе биде вградена последната верзија на infotainment системот на Skodа, а на располагање ќе бидат конфигурабилни дигитални инструменти кај поскапите модели, како и можност за безжично полнење на смартфони. Во внатрешноста ќе има и хромирани елементи како и пластика со подобар квалитет.
Моторите ќе бидат веќе познатите 3 и 4 цилиндрични турбо бензински и дизел варијанти на Skoda, со 1.0 литарскиот бензински и 2.0 литарскиот дизел на располагање веднаш по лансирањето на пазарот.
Првите слики од новата верзија би требало да се појават доцна во 2018-та, со деби на некој од саемите за автомобили во средината на 2019.