По месеци шпекулирање, фотографии и јавни тестирања, пристигна 2019 Chervrolet Corvette ZR1.
Во срцето на најновата Corvette e LT5 V8 моторот од 765 коњски сили, за 300 повеќе од основниот модел. Погонот е на задните тркала, а на нив се пренесува преку 7-брзински мануелен менувач, или 8-брзински автоматски, а и двата се истите од моделот Z06.
Додека кај Pilot Sport Cup 2 гумите се опционални, возилото како дел од стандардната опрема има Pilot Super Sport гуми и тоа со димензии P285/30ZR19 на предните, и P355/25ZR20s на задните тркала. Со Sport Cup 2 верзијата, новата ZR1 би можела да сопре од 100 до 0км/ч за помалку од 27 метри.
ZR1 доаѓа и во специјален Sebring Orange дизајнерски пакет каде покрај каросеријата, во „огнено“ портокалова боја се и сопирачките, акценти на каросеријата, појасите, како и шавовите во внатрешноста. На располагање ќе бидат и вентилирани седишта со Nappa кожа, волан од јаглеродни влакна, Bose аудио систем и др.
Новата Chervrolet Corvette ZR1 ќе започне да се продава наредната пролет, а се очекува цената да започне околу 103 000 евра.