SEAT се надеваат дека ќе профитираат од успехот на својот Ateca SUV со претставување на новата генерација на хечбекот Leon во наредните 18 месеци.
Следната генерација на SEAT Leon ќе продолжи да биде базирана на MQB платформата на VW Group – истите делови на шасијата кои се наоѓаат под сегашниот модел, како и кај Skoda Octavia и VW Golf. Сепак, се очекува SEAT да го зголемат меѓуоскиното растојание кај новиот Leon за неколку милиметри со цел да се зголеми просторот во кабината кај задните седишта.
Изборот од мотори ќе биде сличен како кај сегашниот модел – 1.0 и 1.5 литарски бензински, и 1.6 литарски дизел мотор, а најверојатно ќе биде вграден барем дел од електронската архитектура од Mk8 Golf – овозможувајќи потенцијал за хибридна варијанта од 48V која би се појавила подоцна. Возможно е новиот Leon да има и plug-in хибридна варијанта уште од самото лансирање, користејќи ја истата технологија како Golf GTE.
Новата генерација на Leon ќе има сличен изглед како и сегашната, а најверојатно ќе има ревидирана предница со помодерен дизајн.