Tesla го претставија нивниот електричен камион кој се очекува да има стандарден домет од 480 километри со едно полнење на батериите и почетна цена од околу 125 900 евра.
Покрај стандардната верзија, ќе биде на располагање и подобрена со домет од 805 километри кој ќе чини 150 000 евра.
Овој комплетно електричен камион-шлепер е првото комерцијалното возило на Tesla, а ќе биде способен да пренесува подеднаков товар како и конвенционалните дизел камиони, но со перформанси слични на најновите електрични спортски автомобили.
Тој ќе забрзува од 0-100км/ч за 5 секунди дури и со закачена приколка, и за 20 секунди кога товарот ќе изнесува 36 тони, а при најголема оптовареност ќе може да постигне до 105км/ч. Максималната брзина на ваквиот тип камиони во Англија, на пример, инаку е електронски ограничена на 90км/ч.
Камионот има коефициент на влечење од само 0.36cd – правејќи го поаеродинамичен од Bugatti Chiron хиперавтомобилот (кој има 0.38cd), и од конвенционалните дизел шлепери чиј коефициент е 0.65-0.70cd.
Од Tesla велат дека тој може да се наполни од комплетно празен до доволно електрицитет да помине над 640 километри за 30 минути, што е законската пауза која камионџиите (во САД) мора да ја имаат.