Следната генерација на супер-купето со 4 врати на Audi е забележана на шпионски фотографии за време на тестирањето пред неговото претставување следната година.
Стандардниот A7 Sportback беше претставен порано годинава, а суптилно еволуираната форма и ентериерот ќе биде пренесен и на новиот RS 7.
Шефот на одделот за дизајн на Audi, Марк Лихте, потврдил дека овој нов модел ќе биде на располагање со 2 мотори – основната варијанта ќе доаѓа со 4.0 литарски twin-turbo V8 мотор кој го имаат Porsche Panamera Turbo и Bentley Continental GT, додека поскапата верзија ќе го има V8 моторот од Porsche Panamera Turbo S E-Hybrid од 710 коњски сили. Стандардниот модел ќе има околу 660 коњски сили и 800Nm вртежен момент, а и регуларната и хибридната верзија ќе го имаат најновиот 8 брзински S-tronic менувач, ако и добро познатиот quattro погон на Audi.
Audi RS 7 Sportback ќе биде базиран на новата MLB Evo платформа која ќе ја дели со Audi A8, од 0-100км/ч ќе забрзува за помалку од 4 секунди (најскапата хибридна верзија тоа ќе го прави за 3.5 секунди) , а ќе има електронски лимитирана најголема брзина од 250км/ч. Без тоа ограничување, таа ќе изнесува над 305км/ч.
RS 7 Sportback ќе биде првиот plug-in хибриден модел на Audi кога ќе се појави на пазарот при крајот на 2018-та.
