Volkswagen се спремаат за ривалство против Tesla Model 3 и сличните електрични автомобили со нивната ID класа на комплетно електрични автомобили кои ќе се појават на пазарот на крај на оваа декада – процес кој ќе започне со VW ID хечбекот.
Продукциската верзија на овој концепт која беше прикажана на минатогодишниот Paris Motor Show на пазарот ќе дебитира во 2019, со испораки во 2020.
Под овој хечбек како и под целата серија на ID модели ќе биде новата MEB платформа на VW – архитектура која ќе биде понудена со капацитет од најмногу 4 батерии.
Претпоставувајќи дека основниот ID хечбек ќе ја користи најмала платформа, тоа значи дека ќе може да се очекува во неа да биде вграден електричен мотор од околу 90KW (120 коњски сили), со домет од околу 482km со едно полнење на батериите.
Според шефот за дизајн на VW, Клаус Бишоф, продукциската верзија на ID хечбекот веќе е испратена на изработка, а незначително ќе се разликува од концептот прикажан во Париз бидејќи неговата ултра-кратка хауба не се придржува кон правилата за заштита на пешаците од удари.
За разлика од оние на концептот, вратите на продукциската верзија на овој модел ќе бидат конвенционални, а нема да се употребува ни воланот кој кај концептот влегуваше во командната табла.
Останатите модели од оваа ID линија ќе бидат saloon, microbus, и еден поголем SUV, а подоцна ќе се појави и спортско купе (замена за скоро прекинатиот модел Scirocco) како и комплетно електрична верзија на познатата „бубачка“ (Beetle).