BMW потврдија дека новиот X2 SUV ќе дебитира на North American International Auto Show во Детроит во јануари, покрај новите i8 Roadster и i3 моделот – првиот комплетно електричен хечбек на BMW.
X2 е последниот модел на BMW кој ќе се приклучи на нивната SUV линија, и ќе се смести помеѓу X1 и X3 со кои ќе дели многу од компонентите, како на пример UKL2 платформата од помалиот X1. Тоа значи дека сите понудени мотори ќе бидат 4-цилиндрични, со отворена можност за plug-in хибридни варијанти во иднина.
Изгледот ќе му биде скоро идентичен на X2 концептот од Paris Motor Show во 2016. Ќе го има истото меѓуоскино растојание од X1, а ќе биде 70mm понизок од него – што го прави посличен на хечбек отколку на купе-SUV. Багажникот ќе му биде со волумен од 470 литри, што е за 35 помалку од оној на X1. Основниот модел инаку ќе доаѓа со 17 инчни тркала, додека поскапите тримови со 20.
При лансирањето понудени ќе бидат моделите sDrive20i – бензинец со погон на 2 тркала, и xDrive20d и xDrive25d дизел варијантите со погон на сите тркала.
sDrive20i ќе има 230 коњски сили и 450Nm вртежен момент, 7-брзински Steptronic автоматски менувач, забрзување од 0-100км/ч за 6.7 секунди, и CO2 емисии помеѓу 126 и 134g/km во зависност од големината на тркалата.
И двата дизел мотори ќе имаат 8-брзински автоматски менувач, xDrive20d ќе има 190 коњски сили и 400Nm вртежен момент со CO2 емисии помеѓу 121 и 126g/km, додека xDrive25d ќе има 230 коњски сили, 450Nm вртежен момент и CO2 емисии помеѓу 133 и 139g/km.
Новиот BMW X2 SUV ќе биде понуден со Se, Sport, M Sport и M Sport X спецификации, а во продажба треба да се појави на средината на ноември 2018, со цена од околу 38 400 евра за 20d SE моделот.