„Оживеаната“ Toyota Supra (која престана да се произведува во 2002) ќе биде официјално преставена на 2018 Geneva Motor Show во март.
Овој спортски автомобил развиван заедно со BMW нема да биде продаван со Toyota беџови, туку со Gazoo Racing беџот.
Инсајдери велат дека новата Supra ќе доаѓа во 4 варијанти – Supra, Supra GR, Supra GR Sport и Supra GRMN, кои ќе се разликуваат по перформансите и цената.
„Сестринското“ возило на Supra, BMW Z4, ќе се појави во изложбените салони наредната година, додека Gazoo тоа ќе го стори во втората половина на 2019-та. Исто така, BMW Z4 ќе се продава само во кабриолет изведба, а новата Supra ќе биде купе со фиксен кров.
Се очекува таа да има поголем 6-цилиндричен мотор, тежина помеѓу 1200 и 1500kg, како и можност за додавање на хибридна технологија.
Цените ќе бидат објавени како ќе се ближи нејзиното деби во Женева.