Шефот на Fiat Chrysler, Серџо Марчоне, изјави дека Ferrari SUV би бил подготвен до 2019-20 и дека тоа ќе биде најбрзото возило од овој вид.
Сега засега најбрзиот SUV модел е Stelvio Quadrifoglio на Alfa Romeo кој има twin-turbo V6 мотор од 510 коњски сили, забрзување од 0-100км/ч за 3.8 секунди и максимална брзина од над 280км/ч. Додека Ferrari SUV се појави на пазарот, Lamborgini Urus веќе ќе биде на патиштата со својот twin-turbo V8 мотор од 650 коњски сили, забрзување од 0-100км/ч за 3.6 секунди и максимална брзина од 304км/ч – бројки кои ќе бидат целта која Ferrari ќе треба да ја постигне или евентуално надмине.
Ferrari е последен од производителите на супер луксузни или автомобили со високи перформанси (покрај Bentley, Lamborghini, и Rolls-Royce со моделот Cullinan) кој планира на пазарот да навлезе со свој SUV модел.
Првиот SUV на Ferrari се очекува да чини околу 285 000 евра, и од него да се продаваат 2000-3000 автомобили годишно.