BMW подготвуваат поголема купе верзија X3 која ќе има високи перформанси и ќе биде наречена X4 M.
Ова ќе биде првиот X4 кој ќе добие полн третман од M дивизијата на BMW – моторот најверојатно ќе биде 3.0 литарски 6-цилиндричен бензински со моќност помеѓу 430 и 450 коњски сили, ќе има погон на сите тркала како и подобрена конфигурација на амортизацијата.
Шпионските фотографии се снимени за време на зимското тестирање на моделот, кој ќе има и термално менаџирање.
BMW веќе подолг период немаат направено побрзи и помоќни верзии на нивните помалечки SUV модели, но мноштвото мали моќни SUV модели од компании како Audi и Mercedes-Benz ги имаат приморано BMW повеќе да не го игнорираат тој дел од пазарот.
Сè уште не се знае кога BMW X4 M би се појавил во продажба, меѓутоа се очекува јавно деби да има на есен, а првите продажби да започнат во пролетта 2019-та. Околу 6 месеци пред него ќе се појави X3 M моделот, кој ќе ни даде увид во механичките компоненти кои ќе бидат вградени и во X4 M.