Citroen C1 е подновен за 2018, со нови бои и опции за тримот на ентериерот, нови системи за асистенција на возачот и технологија во кабината, како и со подобрен мотор.
Визуелно овој модел го има истиот дизајн како и сегашниот, а единствената надворешна промена се новите беџeви на задниот дел кои ги користат новите букви на овој бренд.
На располагање ќе бидат 3 нови бои, покрај новите двобојни комбинации за кровот и за Airscape верзија со кров изработен од материјал.
Во целост, од Citroen велат дека ќе бидат возможни 32 различни комбинации на бои како и неколку нови избори на тримови за ентериерот.
Системите за асистенција на возачот сега вклучуваат и автоматско кочење во итни случаи, предупредување при менување на ленти, асистенција при искачување на угорници, систем со камера за рикверц како систем за препознавање на сообраќајните знаци, додека Mirror Screen апликацијата за „копирање“ на екранот на смартфоните на дисплејот во возилото е подобрена и сега нуди Apple CarPlay, Android Auto, како и MirrorLink на 7-инчниот touchscreen во автомобилот.
Најголемата промена е подобрениот 3-цилиндричен бензински мотор кој е вграден и во новата Toyota Aygo (која ја дели истата платформа со C1), со моќност од 72 коњски сили, кој ќе биде нуден со 5-брзински мануелен или автоматски менувач.
Почетната цена ќе му биде околу 14 000 евра.