Porsche ја проширија третата генерација на Cayenne со нов E-Hybrid модел, чии подобрувања во однос на претходниот модел вклучуваат и надградба на бензинските и електрични мотори.
3.0 литарскиот турбо V6 бензинец развива 340 коњски сили (7 повеќе отколку претходниот), додека моќноста од 135 коњски сили на електричниот модел е за 43% поголема од онаа на претходниот Cayenne E-Hybrid.
Вкупната моќност од 462 коњски сили и 700Nm вртежен момент на новиот Cayenne E-Hybrid му овозможуваат забрзување од 0-100км/ч за 5 секунди и максимална брзина од 252км/ч.
Возилото може да забрза до 135км/ч. само со електричниот мотор, со кој има домет од 43km со едно полнење на батериите на кои им се потребни 2.3 часа за да се полни доколку се користи полнач од 32 ампери, или скоро 8 часа со полнач од 10 ампери.
Cayenne E-Hybrid како и останатите Cayenne модели е изграден на модифицирана верзија на MLB платформата на VW Group која ја користат и Audi Q7, Bentley Bentayga и Lamborghini Urus.
Новиот модел во сите изданија има Matrix LED предни фарови, додека во внатрешноста е 12.3 инчниот touchscreen дисплеј над централната конзола.
Цените на новиот Porsche Cayenne E-Hybrid ќе започнуваат од околу 76 000 евра.