Производството на Dodge Viper заврши минатата година, што предизвика жалење кај потенцијалните купувачи, за да потоа неговата продажба продолжи како „зомби автомобил“, со продадени 11 примероци оваа година.
Сега се појавиле гласини дека овој двосед повторно ќе се врати на пазарот, на втор „бис“ откога веќе еднаш престана со производство во 2009.
Во нив се вели дека треба да се очекуваат слични карактеристики (мотор во средината на предниот дел и погон на задните тркала), со тоа што моторот би бил новиот алуминиумски V8 Hemi наместо стариот V10. Стариот има 8.4 литри и 640 коњски сили, додека новиот би требало да има околу 500 коњски сили, а целиот автомобил би бил значително полесен благодарејќи на многуте делови од алуминиум и јаглеродни влакна (покрај алуминиумскиот V8 во споредба со железниот V10).
По лансирањето на овој „основен“ модел (кој најверојатно ќе биде кабриолет), би се појавила и верзија со над 700 коњски сили со цврст кров.
Се претпоставува дека потенцијалните датуми на претставување на овој модел или барем негов концепт се 2019 Detroit Auto Show (каде би се прославил оригиналниот концепт од 1989), додека продукциската верзија би се појавила на крајот на 2020 (како модел за 2021)