Следниот VW Golf R ќе биде досега „најекстремната“ верзија. Mk8 Golf ќе се појави во продажба наредната година, а сегашниот Golf R заостанува зад ривалите на Honda, Mercedes и Audi.
Тoчните механички карактеристики на новиот Golf R сè уште не се потврдени, а се очекува моторот да биде 2.0 литарски 4-цилиндричен турбо со моќност од 405 коњски сили, 7-брзински DSG менувач и 4MOTION погонот на сите тркала.
Во предвид доаѓа и средно-хибридна 48v технологија која на Golf R ќе му даде електричен поттик при забрзувањето, како и подобрена потрошувачка на гориво во градски (т.н „тргни-застани“) сообраќај.
Новиот Golf R ќе има и поагресивен изглед во споредба со сегашниот, а ќе има повеќе делови од јаглеродни влакна.
Покрај Golf-от, VW планираат да го прошират R портфолиото со уште два модела: T-Roc R и Tiguan R, кои ќе бидат ривали на Audi SQ2 и Audi SQ5.
Откога R брендот ќе ја зајакне позицијата на пазарот, VW ќе го свртат вниманието кон нивната серија на електрични автомобили I.D кои ќе добијат R варијанта.
I.D R Pikes Peak тркачкиот модел развива 680 коњски сили од електрични мотори на секоја оска, што покажува колку моќна може да биде електричната платформа кога станува збор за идните електрични R модели.