Toyota ја подновија линијата на C-HR кросовер модели со додавање на нов трим наречен Design, кој е постилска и покомфорна алтернатива на изданието Icon.
Во стандардната опрема спаѓаат 18-инчните алуминиумски бандажи и новата Cyan Blue боја, како и останатата која доаѓа со Icon тримот плус задно затемнето стакло, амбиентално осветлување на кабината, Touch 2 infotainment системот на Toyoта со вградена навигација, предни и задни сензори за паркирање, како и полу-автономна асистенција при паркирањето. Комфорот на овој модел е зголемен со седишта на загревање и поддршка за рбетот која може да се нагодува електронски.
C-HR Design ќе биде на располагање со двата популарни мотори – 1.8 литарскиот хибриден од 125 коњски сили, како и помалиот 1.2 литарски турбо од 115 коњски сили.
Новата Cyan Blue боја ќе биде овозможена на сите тримови на C-HR, чии спецификации се исто така подобрени. Така, C-HR Excel ќе добие LED задни светла и тапацир од црна кожа, Dynamic ќе има 18-инчни алуминиумски бандажи во мат црна боја, тапацир од црн материјал со сребрен трим на командната табла, како и опционален кожен тапацир со врвен аудио систем на JBL.
C-HR Icon, пак, како опција ќе го добие Tech Pack пакетот кој вклучува систем за надгледување на мртвата точка, систем за менување ленти со асистенција на управувањето, како и ретровизори кои ќе се превиткуваат автоматски.