Nissan и Italdesign дизајнерското студио на VW Group оваа година имаат 50-годишнини од нивното постоење, што е причина за славење. Nissan GT-R50 на Italdesign е токму тоа славење – значително подобрен прототип базиран на 2017 Nissan GT-R Nismo.
Nissan го опишуваат автомобилот како „ултра-лимитиран“ и велат дека јавното деби ќе го има во Европа за неколку недели. Сè уште нема информации дали воопшто ќе биде понуден на купувачите или дали елементите од драматичниот редизајн и инженерските подобрувања ќе бидат филтрирани и употребени во идните продукциски модели.
Nissan GT-R50 има впечатлива Kinetic Grey боја на каросеријата со златни акценти, кровот му е 54mm понизок отколку оној на стандардниот GT-R, на предницата се повеќе истакнати отворите за воздух зад предните тркала, а LED фаровите се протегаат и кон крилјата.
Додека стандардниот 2017 Nissan GT-R Nismo со 3.8 литарскиот турбо мотор има 600 коњски сили, Nissan GT-R50 има 720 коњски сили и 780Nm вртежен момент, како и нов систем на суспензија базиран на BILSTEIN DampTronic амортизери кои самите се нагодуваат и Brembo сопирачки во комбинација со 21-инчни алуминиумски бандажи.
Кабината е идентична со онаа на GT-R, но со материјали како јаглеродни влакна, кожа, алкантара и дополнителни златни акценти слични на оние од каросеријата.