Ова се првите тизер слики од VW T-Cross “бебешкиот“ SUV кој, меѓу другите, ќе биде ривал на Citroen C3 Aircross, и во целост ќе биде претставен на Paris Motor Show во септември.
T-Cross ќе игра голема улога во агресивното претставување на SUV модели на VW, и ќе го користи новото Polo како основа на неговиот дизајн, но ќе има поголеми пропорции.
Ќе биде изграден врз MQB платформата (која се користи на сите модели на VW, од Polo па до Passat saloon), што значи дека ќе биде понуден со голем избор од бензински и дизел мотори, како и можност за Plug-in хибридна технологија.
Основниот модел ќе биде базиран на новиот 1.0 литарски турбо 3-цилиндричен мотор на VW, со моќност од 76 до 116 коњски сили, кој ќе доаѓа со 6-брзински мануелен менувач, како и автоматски кај поскапите варијанти.
Постои можност и за GTI верзија, во која би бил вграден новиот 2.0 литарски турбо мотор од 200 коњски сили од најновиот Polo GTI.