Комплетно електричен MINI модел ќе се појави во 2019, а британската компанија откри тизер слики од дизајнот на предната решетка и алуминиумските бандажи.
Одговорниот на одделот за дизајн на MINI, Оливер Хајлмер, изјавил дека за продукциската верзија на MINI Electric тие презеле некои детали од концепт возилото (претставени на минатогодишниот Frankfurt Motor Show) како тркалата и предната решетка и дека MINI Electric ќе има многу детали со кои ќе се разликува од стандардните модели, но сепак ќе изгледа како MINI.
Базиран на хечбек верзијата на MINI, електричната верзија ќе биде поширока, со поедноставни и помазни површини за зголемување на аеродинамиката, како и со рачки на вратите кои ќе навлегуваат во нив.
Предната решетка ги нема шестоаголниците туку целата е пополнета, со жолта акцентна линија на која се наоѓа беџот „E”. Дизајнот на предните фарови е исто така сменет, и истите го интерпретираат “Е“ беџот кој ќе го имаат електричните модели.
Бандажите се аеродинамички изработени и делумно конструирани со 3D принтање. Кога MINI EV ќе пристигне на пазарот во 2019, најверојатно ќе го користи погонот од BMW i3 – што значи домет од околу 305km. и забрзување од 0-100км/ч. за 7.5 секунди.