Squadra Corse, производителот на тркачките модели на Lamborghini, развил нов хипер-автомобил, еден од многуте кои планираат да ги создадат за овој познат италијански производител на спортски автомобили.
Наречен Lamborghini SC18, овој модел е базиран на новиот Aventador SVJ, користејќи ја истата шасија делумно направена од јаглеродни влакна, како и 6.5 литарскиот V12 мотор со моќност од 806 коњски сили и 720Nm вртежен момент.
Системот за погон е на сите тркала преку 7-брзински менувач, па се очекува перформансите да му се слични на оние на Aventador SVJ – што значи забрзување од 0-100км/ч. за 2.8 секунди и максимална брзина од 338км/ч.
Иако е базиран на Aventador SVJ, дизајнот му е значително поразличен – најслични им се предните фарови, додека каросеријата има претрпено агресивни аеродинамични подобрувања како што се нов преден сплитер, големи странични отвори за воздух, како и заден дел инспириран од ограниченото издание на моделот Centenario.
Предните бандажи се 20-инчни, задните 21-инчни, а на нив се монтирани специјално развиени Pirelli P Zero Corsа гуми.
Автомобилот може легално да се вози на патишта, но гумите сугерираат дека SC18 е развиен примарно за возење на тркачки патеки. Цената сè уште не е објавена, но се очекува да изнесува неколку милиони евра.