Производителите на автомобили ќе ја испратат 2018-та на крајот на овој месец на Los Angeles Auto Show, кој е еден од најстарите саеми на автомобили - првиот бил одржан во 1907.
Овогодинешниот саем започнува на 28-ми ноември и ќе трае до 9-ти декември, а еве кои сè автомобили ќе бидат претставени од неколку производители:
1) Audi
Од Audi веќе имаат потврдено дека нов e-tron концепт ќе биде прикажан во Лос Анџелес, чие производство треба да започне во 2020-та
2) BMW
На штандот на BMW ќе има многу за гледање – новиот X7, ривал на Range Rover и најголемиот BMW SUV било кога направен, нов кабриолет од 8 Series, М340i xDrive со 6 цилиндри, како и BMW Vision iNEXT концептот.
3) Hyundai
Hyundai ќе ги претстават Le Fil Rouge концептот, како и осмоседот Palisade.
4) Jeep
Деталите во врска со новиот Jeep Gladiator „протекле“ од членовите на интернет форум, според кои тој ќе има 3.6 литарски V6 мотор од 290 коњски сили, лесни алуминиумски панели и капацитет за влечење од 3.5 тона.
5) Kia
Новиот Kia Soul ќе дебитира во Лос Анџелес пред да се појави во продажба во 2019-та.
6) Mazda
Mazda ќе ја претстават новата, 4-та генерација на Mazda 3, кои ќе бидат првите модели кои ќе ја користат новата Skyactiv-X технологија за мотори на компанијата.
7) Porsche
Иако повеќето скорешни вести поврзани со Porsche се однесуваат на електрификацијата на овој бренд со моделот Taycan, во Лос Анџелес ќе биде претставена нова варијанта на 911 – најновото поглавје во 45-годишната еволуција на овој модел.