Individual дивизијата на BMW го создала ова единствено издание на 8 Series моделот M850i наречено Night Sky (ноќно небо). Најспецифична карактеристика на ова издание е вградувањето на вистински метеорски камен во плочата на централната конзола, старт/стоп копчето, на делови од менувачот како и вратите, а светлата вградени во централниот потпирач за раце ги емулираат ѕвездите на ноќното небо.
Шемата Widmanstätten е кристална структура на никел-железото од метеоритите и е формација која инспирирала многу од површините на ентериерот и екстериерот на овој автомобил. Геометрискиот мотив го има во тапацирот на централната конзола, седиштата, како и на полно елементи на каросеријата.
M850i Night Sky надворешно се разликува од конвенционалниот модел по уникатната колор шема – црна база го формира основниот слој врз кој се поставени слоеви од San Marino Blue (сина) боја, врз кои пак има 3 слоја проѕирен лак, секој мешан со честички пигмент кои му даваат светкав финиш.
Неколку делови од каросеријата се направени со 3D принтање (ретровизорите, предните отвори за воздух и сл.), како и делови од сопирачките кои се 30% полесни од стандардните компоненти.
Механички, M850i Night Sky е идентичен со регуларниот модел – има 4.4 литарски V8 мотор од 530 коњски сили и 750Nm вртежен момент. Цената сè уште не му е потврдена, но поради уникатниот дизајн се очекува да биде астрономска.