Geely, кинескиот авто гигант и сопственик на компанијата Volvo, го претстави новиот купе SUV модел базиран на најмалечкиот SUV на Volvo, моделот XC40.
Носејќи ја шифрата FY11, ова е трет модел најавен за годинава од Geely.
FY11 е изграден врз CMA платформата од XC40, и ќе биде напојуван со истиот 2.0 литарски 4-цилиндричен турбо бензински мотор од Volvo XC40 T5, со моќност од 238 коњски сили и 350Nm вртежен момент.
Комплетните спецификации на FY11 не се објавени, но бидејќи не се разликува премногу од XC40 T5 се очекува перформансите да му се слични – забрзување од 0-100км/ч. за околу 6 секунди, максимална брзина од 225км/ч, потрошувачка од 17км/л., и CO2 емисии од околу 160г/км.
Кинескиот производител вели дека ќе биде понуден избор од погон само на предните или на сите тркала, што сугерира дека е можно да бидат користени и погоните на послабите XC40 T3 и D3 модели.