Новиот Ford Focus ST ќе биде најмоќниот досега, рамо до рамо со конкуренцијата како Renault Megane R.S., Honda Civic Type R и следната генерација на VW Golf GTI.
Четвртата генерација на ST ќе има 12% повеќе моќност и 17% поголем вртежен момент отколку сегашната, а ќе биде понудена со бензински и дизел мотори, како и во караван варијанта.
2.3 литарскиот EcoBoost 4-цилиндричен бензински мотор ќе има моќност од 280 коњски сили и 420Nm вртежен момент, додека EcoBlue дизел варијантата ќе биде најмоќниот дизел досега понуден кај Focus моделите, со 190 коњски сили и 400Nm вртежен момент.
Кај бензинските и дизел верзии 6-брзинскиот мануелен менувач ќе биде дел од стандардната опрема, додека купувачите на бензинската верзија ќе имаат избор и од 7-брзински автоматски.
Промените на екстериерот се ревидираната предна решетка, поголем и позакосен заден спојлер, уникатни алуминиумски бандажи и две ексклузивни бои на каросеријата – Ford Performance Blue (сина) и Orange Fury (портокалова).
Внатре, новиот Focus ST ќе има Recaro спортски седишта, алуминиумски педали, како SYNC 3 infotainment системот на Ford кој ќе доаѓа со 8-инчен дисплеј со навигација, Apple CarPlay и АndroidAuto функционалност.
Цените сè уште не се објавени, но се очекува да започнуваат од околу 31 400 евра.