Третиот хипер-автомобил на Aston Martin чија шифра е Project 003 се очекува да се појави на пазарот во 2021-ва. Неговото производство ќе биде лимитирано на 500 примероци.
Новата тизер слика сугерира дека Project 003 би имал мотор во средината, со високо поставени издувни цевки и активен заден спојлер.
Многу е веројатно компанијата да ја претстави блиску-до-продукциската верзија на овој модел на овогодинешното Geneva Motor Show, каде би ја делел бината со новиот Valkyrie Pro и нов SUV модел на Lagonda, огранокот на Aston Martin кој произведува исклучиво електрични модели.
Доколку се верува на скоро регистрираните апликации за трговски марки, новиот хипер-автомобил би можел да го носи името Valhalla и би се наоѓал под Valkyrie во понудата на Aston Martin. Инаку, и двете имиња потекнуваат од Нордиската митологија – Валхала е местото за почивалиште на душите кои се сметаат достојни за се во друштвото на Один, додека Валкирите се духовите на воините кои ја чуваат.
Project 003 ќе биде напојуван со сосема нов бензински хибриден V6 мотор, со моќност од над 1000 коњски сили, забрзување од 0-100км/ч. за помалку од 3 секунди, и брзини над 320км/ч.