Aston Martin го претставија концептот на моделот Lagonda, првиот продукциски модел кој повторно родениот бренд ќе го претстави кога ќе се врати на пазарот во 2022.
Овој комплетно електричен SUV е направен според дизајнерскиот јазик претставен од Lagonda Vision концептот од саемот за автомобили во Швајцарија пред една година. Како и saloon-от, и овој концепт е со 4 седишта, од кои патниците на предните 2 ќе можат да ги завртат наназад за да комуницираат со патниците на задните седишта додека возилото е во автономен режим на возење.
Новиот модел има елементи од Vision концептот, но и од супер-јахти.
Во кабината се употребени луксузни материјали како кашмир, а директорот на Aston Martin, Енди Палмер изјавил дека овој концепт е многу поизводлив продукциски во однос на saloon моделот од минатата година.
Lagonda SUV се очекува да чини околу 350 800 евра, но точната цена како и името на продукцискиот модел сè уште не се познати, иако компанијата минатата година го заштитила името “Varekai”.