SEAT el-Born треба да се појави на пазарот идната година и ќе биде првиот комплетно електричен фамилијарен автомобил на овој бренд. El-Born ја дели MEB архитектурата на шасијата со Volkswagen ID, а ќе имаат и сличен изглед.
Во поглед на големината, овој модел ќе биде некаде помеѓу SEAT Leon и Ateca, но ќе има 20-инчни тркала и долго меѓуоскино растојание кое ќе овозможува простор во ентериерот колку што имаат возилата од една класа погоре од него.
Конвенционалните инструменти се заменети со дигитални екрани. На командната табла има „лебдечки“ 10-инчен infotainment систем со лента чувствителна на допир со која ќе се контролираат вентилацијата и греењето, а остатокот на елементите во кабината најверојатно ќе ги дели со VW ID.
Од SEAT велат дека el-Born ќе има 62kWh батерија која ќе му овозможува домет од 420km. , а со 100кW DC полнач ќе може да се наполни до 80% од капацитетот за 47 минути.
Погонот ќе биде на задните тркала, моќноста до 204 коњски сили, а забрзувањето од 0-100км/ч. ќе изнесува 7.5 секунди.
Инаку, името на овој модел потекнува од трендовскиот регион на Барселона, а компанијата сè уште официјално го нема потврдено, иако има заштитено трговска марка за неколку можни имиња, меѓу кои E-Born и Born-E. Почетната цена се очекува да биде околу 30 200 eвра.