Следниот MINI модел кој ќе добие фејслифт е Clubman, кој летово треба да се појави во автосалоните. Истиот беше забележан на шпионски фотографии за време на фотосесија.
Според сликите, фејслифтот на новиот Clubman ќе биде суптилен – нови бандажи, како и променет дизајн на предните и задни фарови.
Како дополнителна опција на располагање ќе бидат Matrix LED предни фарови, а купувачите ќе имаат избор и помеѓу неколку различни дизајни на бандажите и бојата на каросеријата.
Во внатрешноста стандарден ќе биде 6.5 инчниот touchscreen infotainment систем, со опционална 8-инчна верзија, кој ќе биде базиран на iDrive системот на BMW. Ќе бидат вградени и подлоги за безжично индуктивно полнење на смартфони, како и можност купувачите да одберат разни комбинации на тримови и колор шеми за внатрешноста.
Изборот на мотори ќе биде 1.5 литарски 3-цилиндричен бензински турбо мотор од 136 коњски сили, 2.0 литарски турбо од 192 коњски сили, како и една дизел опција.